ل ڕۆژا پێنچ شه‌مبى ڕێكه‌فتى 25/06/2020، سه‌نته‌رێ ڕاهێنانا پێداگۆجى و په‌ره‌پێدانا ئه‌كادیمى یێ زانكۆیا زاخۆ ب هه‌ماهه‌نگى دگه‌ل زانكۆیا هامك یا زانستێن پراكتیكى (HAMK Häme University of Applied Sciences) یا فینله‌ندى، ڕێڤه‌به‌رێ سه‌نته‌رێ ڕاهێنانا پێداگۆجى و په‌ره‌پێدانا ئه‌كادیمى ل زانكۆیا زاخۆ، به‌رێز (پ.ه.د. ستار جبار حاجی)، هێژا (Seija Annikki Mahlamäki) ڕاگرا سكۆلا فێركرنا مامۆستایێن پرۆفیشینال (Professional Teacher Education  Dean of School of ) ل زانكۆیا هامك یا فینله‌ندى داخوازكرن بۆ پێشكێشكرنا سمیناره‌كێ بۆ پشكدارێن خۆلا پێداگۆجى، ب شێوێ أونلاین لژێرناڤ و نیشانێن "Short Introduction to the Finnish Education and Teachers' Competence Development " . هه‌ژى گوتنێ یه‌ كۆ زانكۆیا هامك سه‌رپه‌رشتیا پرۆگرامێ پێداگۆجى كربوو ئه‌وێ هاتییه‌ ڕێكخستن دناڤبه‌را وه‌زاره‌تا خواندنا بلند و ڤه‌كولینێن زانستى یا هه‌رێما كوردستانێ و زانكۆیا (HAMK Häme University of Applied Sciences) یا فینله‌ندى.  

سمینار لده‌مژمێر(9:00)ى شه‌فێ بشێوێ أونلاین برێڤه‌چوو، و ب ئاماده‌بوونا مامۆستا و رێڤه‌به‌رێن سه‌نته‌رێن پێداگۆجى ل هه‌رێما كورستانێ، لده‌ستپێكێ ڕێڤه‌به‌رێ سه‌نته‌رێ پێداگۆجى یێ زانكۆیا زاخۆ به‌رێز (پ.ه.د. ستار جبار حاجی) بناڤێ سه‌رۆكاتیا زانكۆیا زاخۆ بخێرهاتنا هێژا (Seija Annikki Mahlamäki)، و هه‌مى ئاماده‌بوویان كر، مه‌ره‌م ژ ڤێ چالاكیێ بۆ ئاماده‌بوویان دیاركر،كۆ مه‌ره‌م ژێ تێگه‌هشتنه‌كا گشتى لدۆر سیسته‌مێ فێركرنێ ل وه‌لاتێ فینله‌ندا بۆ پشكداران بهێته‌ دیاركرن كۆ ژ وان وه‌لاتێن هه‌ره‌ پێشكه‌فتى یه‌ د بوارێ په‌وه‌رده‌ وفێركرنێ دا ل جیهانێ، هه‌روه‌سا چه‌وانیا به‌رهه‌ڤكرنا مامۆستایان د سیسته‌مێ فێركرنێ یێ وه‌لاتێ فینلندا، دیسان مه‌ره‌م ژێ لێكنزیكرنا په‌یوه‌ندیان دناڤبه‌ران سه‌نته‌رێن پێداگۆجى یێن هه‌رێما كوردستانێ.

لده‌ستپێكا په‌یڤا خۆه‌ هێژا (Seija Mahlamäki)، سوپاسیا سه‌نته‌رێ پێداگۆجى یێ زانكۆیا زاخۆ كر، و گورتییه‌ك لدۆر سیسته‌مێ په‌روه‌رده‌ وفێركرنێ بگشتى ل وه‌لاتێ فینلندا كر، هه‌ر ژ قوناغا بنه‌ره‌ت هه‌تا خۆاندنا بلند، و ب تایبه‌ت ل زانكۆیا (HAMK)، هه‌روه‌سا گرنگیا بكارهێنانا رێكێن نوى د پرۆسێسا فێركرن و فێربوونێ دا، هه‌روه‌سا چه‌وانیا پێگه‌هاندنا مامۆستایان لدویف شاره‌زایێن سه‌دێ بیست وئێكێ، د به‌شه‌كێ دیدا ئاماژه‌ ب گرنگیا مفا وه‌رگرتن و بكارهێنانا ته‌كنولوّیا فێربوونێ كر.

پشتى ڤێ چه‌ندێ ده‌لیڤه‌ ب ئاماده‌بوویان هاته‌ دان بۆ پرسیاركرنێ، لدۆر بابه‌تێ سمینارێ، و به‌رسڤ ژلایێ مامۆستایێ ڤه‌ هاته‌ دان.    

لدۆیماهیێ ڕێڤه‌به‌رێ سه‌نته‌رى سوپاسیا هێژا (Seija Mahlamäki) و هه‌مى ئاماده‌بوویان كر.